monumenta.ch > Propertius > sectio 54 > sectio 12 > sectio 71 > habCod.Guelf.64Weiss..649 > sectio 13 > sectio 37 > bnf17226.163 > sectio 13 > sectio 60 > sectio 1 > sectio 42 > sectio 169 > bnf6796A.103 > sectio 59 > sectio 48 > sectio 5 > sectio 4 > sectio 59 > sectio 4 > sectio 19 > bavPal.lat.823.98 > sectio 10 > sectio 27 > sectio 36 > bnf5512.144 > sectio 58 > Notkerus Balbulus, Gesta Caroli Magni, p2, 16. > sluMscr.Dresd.A.145.b.101 > csg51.148 > sectio 11 > sectio 183 > sectio 94 > bnf13028.122 > sectio 1 > sectio 5 > sectio 181 > sectio 8 > csg576.149 > sectio 12 > sluMscr.Dresd.A.145.b.44 > sectio 7 > sectio 73 > bnfGrec107.801 > sectio 44 > sectio 85 > bnf6795.124 > uwbM.p.th.q.1a.200 > bnf6797.153 > uldLIP7.203 > sectio 45 > sectio 13 > sectio 4 > sectio 10 > csg85.213 > sectio 134 > csg48.224 > Hieronymus, Commentarii, in Michaeam, 1, > sectio 24 > csg85.191 > bnf4888.21 > sectio 51 > sectio 11 > sectio 6 > sectio 147 > sectio 48 > sectio 122 > bnf7586.185 > Hrabanus Maurus, De Universo, 20, 8 > csg51.159 > sluMscr.Dresd.A.145.b.37 > sectio 65 > sectio 13 > bsbClm6224.37 > sectio 54 > sectio 7 > sectio 40 > sectio 13 > bnf7586.183 > sectio 49 > sectio 8 > bbbCod.120.I.7r > sectio 32 > habCod.Guelf.707Helmst..358 > uldLIP7.210 > sectio 96 > sectio 24 > sectio 130 > bnf6795.113 > sectio 8 > sectio 28 > sectio 3 > 34 > ad Timotheum I, 4 > sectio 22 > sectio 5 > sectio 7 > sectio 13 > sectio 47 > sectio 178 > sectio 7 > sectio 8 > sectio 8 > sectio > sectio 85 > sectio 48 > sectio 22 > Hrabanus Maurus, De Universo, 7, 4 > bnf14764.66 > sectio 11 > sectio 5 > sectio 34 > sectio 1 > sectio 133 > Hrabanus Maurus, De Universo, 20, 6 > sectio 151 > sectio 8 > habCod.Guelf.707Helmst..356 > sectio 45 > uldLIP7.222 > sectio 106 > sectio 77 > sectio 23 > sectio 29 > csg7.41 > 'Goliath' in 'Commentarii, in Michaeam, 1, 1' > csg46.310 > bnf11947.87 r > sectio 176 > sectio 74 > Lucas, 6 > sectio 109 > sectio 6

Word Selection for Searching

Report an Error in this Sectio
Augustinus, Sermones, 10, 153, 6
Sed quid ait Apostolus? Concupiscentiam nesciebam, nisi Lex diceret, Non concupisces. Ibam enim post concupiscentiam meam, et qua trahebat currebam, eiusque illecebras blandas, et ex carnali suavitate iucundas magnam felicitatem arbitrabar. Laudatur enim peccator, ait Lex, in desideriis animae suae; et qui iniqua gerit, benedicitur . Invenis hominem concupiscentias suas carnales sectantem, totumque se illis servum donantem, aucupari undique voluptates, fornicari, inebriari; non dico amplius; fornicari, inquam, inebriari. Haec dixi quae licite committuntur, sed non Dei legibus. Quis enim aliquando ad iudicem ductus est, quia meretricis lupanar intravit? Quis aliquando in publicis tribunalibus accusatus est, quia per suas lyristrias lascivus immundusque defluxit? Quis aliquando habens uxorem, quia ancillam suam vitiavit, crimen invenit? Sed in foro, non in coelo; in lege mundi, non in lege Creatoris mundi. Luxuriosus autem, immundus atque lascivus felix dicitur abundare voluptatibus, frui deliciis. Iamvero si se etiam vino ingurgitet, si bibat mensuras sine mensura; parum est quia non invenit crimen, etiam viri fortis accipit nomen: tanto nequior, quanto sub poculo invictior. Cum laudantur ista, et dicitur, Felix est, magnus est, bene est illi; et non solum hoc non putatur esse peccatum, sed etiam putatur vel Dei donum, vel certe suave, blandum et licitum bonum: procedit lex Dei, et dicit, Non concupisces. Ille homo qui putabat magnum bonum esse, magnamque felicitatem existimabat, ea quae posset, suae concupiscentiae non negare, sequi qua trahit; audit, Non concupisces; et cognoscit esse peccatum. Deus dixit, homo audivit, Deo credidit, peccatum suum vidit; quod bonum putabat, malum esse cognovit: voluit frenare concupiscentiam, non ire post eam, strinxit se, conatus est, victus est. Qui fuit antea nescius malorum suorum, factus est doctus, et peius est victus: coepit esse non solum peccator, sed etiam praevaricator. Peccator enim et antea erat: sed antequam Legem audiret, peccatorem se esse nesciebat. Legem audivit, peccatum vidit; conatus est vincere, superatus atque prostratus est; factus est et Legis praevaricator, qui fuit antea nescius peccator. Hoc dicit Apostolus: Lex peccatum est? Absit. Sed peccatum non cognovi, nisi per Legem. Nam concupiscentiam nesciebam, nisi Lex diceret, Non concupisces.